Scena
STIHOST
Frižider malo bubnja i malo štekće.
Ne zna kaj bi.
Tramvaji prhneju na Remizi.
Stiha je veliko, prepuočeno oko ekrana.
Zmislil se bu on kak bu se osvetil.
Auti su negdi na parkingu.
Ili v garažami.
Zdaj, gda je benzin jeftin
ne smeju se voziti.
Štreku več obrasta trava.
Niti zadnji cug ne bu došel.
Niti pijancof niema
kaj bi se bar malo
posvadili i kričali.
Cucki su stiha.
Nišče nieje tuđega mouža
čez oblok stiral.
Ftiči su pozabili da je jutro.
Ili bu morti dešč curel.
Veter ne fijuče.
Frižider opet nabija.
Servis ne dela, a štacuni su zaprti.
Dobri Bogek ne daj gladi.
(Jaccominijeva)
Nada Starčević-Lopac
Continue Reading
